Azərbaycan xalqının tarixində elə günlər var ki, onlar həm qürur, həm də milli birliyin rəmzinə çevrilib. 8 Noyabr – Zəfər Günü də bu cür əlamətdar günlərdəndir. Bu gün xalqımızın illərlə arzuladığı qələbənin, dövlətimizin gücünün, ordumuzun qəhrəmanlığının və Ali Baş Komandanımız cənab İlham Əliyevin müdrik siyasətinin parlaq təntənəsidir. Hər bir azərbaycanlı üçün bu gün təkcə qələbə sevinci deyil, həm də vətən sevgisinin, şəhidlərin ruhuna ehtiramın, dövlətinə sədaqətin bir ifadəsidir. Bu dəyərləri öz həyatının mənasına çevirən insanlar isə cəmiyyətimizdə xüsusi hörmət və nüfuz sahibidirlər. Onlardan biri də Pirşağı kənd sakini, sahibkar, xeyriyyəçi və vətənpərvər insan Heydər müəllimdir.
Heydər müəllim uzun illərdir ki, həm sahibkarlıq fəaliyyəti, həm də xeyriyyəçilik işləri ilə tanınır. O, öz fəaliyyətində yalnız maddi qazanc məqsədi güdmür, eyni zamanda cəmiyyət üçün faydalı olmağı, insanların problemlərinin həllinə töhfə verməyi həyatının əsas prinsipi hesab edir. Onun üçün uğurun əsas meyarı qazandığını paylaşmaq, insanların həyatına sevinc, ümid və işıq gətirməkdir.
Pirşağı kimi qədim tarixə malik, zəhmətsevər insanların yaşadığı bir kənddə Heydər müəllim hər kəsin tanıdığı, hörmət bəslədiyi şəxsdir. O, kəndin sosial həyatında fəal iştirak edir, aztəminatlı ailələrə, şəhid və qazi ailələrinə, tənha yaşlı insanlara daim dəstək olur. Onun xeyirxah əməlləri sözlə deyil, əməl ilə görünür. Heydər müəllim hər zaman bildirir ki, “biz bu torpaqlarda rahat yaşaya biliriksə, bu, şəhidlərimizin və qazilərimizin sayəsindədir.”
Xeyriyyəçi sahibkar olaraq, Heydər müəllim mütəmadi olaraq şəhid ailələrinə və müharibə veteranlarına maddi və mənəvi yardım göstərir, onların övladlarının təhsilinə, sosial rifahına diqqət yetirir. O, həmçinin kənddə və ətraf ərazilərdə müxtəlif sosial layihələrin həyata keçirilməsinə öncüllük edir – məktəblərin, məscidlərin abadlaşdırılmasında, ictimai obyektlərin yenilənməsində, kənd yollarının təmirində yaxından iştirak edir.
Onun vətənpərvərliyi isə yalnız sözlə deyil, hərəkəti ilə ölçülür. 44 günlük Vətən Müharibəsi dövründə Heydər müəllim həm maddi, həm də mənəvi cəhətdən ordumuza dəstək göstərmiş, cəbhə bölgəsinə yardımlar göndərmiş, əsgərlərin ruh yüksəkliyinə töhfə vermişdir. Müharibə günlərində “bir əsgərin üzündə təbəssüm, bir şəhid ailəsinin qəlbində təsəlli yaratmaq mənim üçün ən böyük qürurdur” deyən Heydər müəllimin bu sözləri onun daxili dünyasını, milli dəyərlərə olan sədaqətini açıq şəkildə ifadə edir.
Heydər müəllim həm də öz fəaliyyəti ilə gənclər üçün bir örnəkdir. O, hər zaman gənc nəslə vətən sevgisi, dövlətə sədaqət, halal zəhmət və dürüstlük kimi prinsipləri aşılayır. Onun fikrincə, “vətənpərvərlik yalnız döyüş meydanında deyil, həm də gündəlik həyatda – işində, davranışında, insana münasibətində özünü göstərməlidir.” Məhz bu düşüncə onu cəmiyyətin hörmətli, etibarlı və sevilən insanlarından birinə çevirib.
Zəfər Günü Heydər müəllim üçün sadəcə bir bayram deyil, həm də müqəddəs bir andır. O, bu günü hər il xüsusi ehtiramla qeyd edir, şəhid məzarlarını ziyarət edir, onların ailələrini unutmur. Bu davranışı ilə o, həm keçmişə borcunu ödəyir, həm də gələcək nəsillərə “vətən sevgisi ölməzdir” mesajı verir.
8 Noyabr Zəfər Günü Azərbaycanın dövlətçilik tarixinin ən şərəfli səhifələrindən biridir. Bu zəfər Prezident, Müzəffər Ali Baş Komandan cənab İlham Əliyevin qətiyyətli iradəsi, uzaqgörən siyasəti və ordumuzun rəşadəti sayəsində qazanılmış tarixi qələbədir. Heydər müəllim də bu günün mənəvi dəyərini hər zaman yüksək tutur və bildirir: “Bu Zəfər – təkcə torpaqlarımızın azadlığı deyil, həm də xalqımızın birliyinin, dövlətimizin qüdrətinin təntənəsidir. Bu qələbə hər bir azərbaycanlının qəlbində əbədi qürur nişanıdır.”
Heydər müəllim hər zaman dövlətin, xüsusilə də Prezident İlham Əliyevin həyata keçirdiyi siyasətin sadiq dəstəkçisidir. O, Azərbaycanın inkişafı, sabitliyi və gələcəyi naminə görülən işlərə dərin hörmətlə yanaşır, öz fəaliyyətində də bu siyasətin prinsiplərinə əməl edir.
Bu gün 8 Noyabr Zəfər Gününün fərəhini yaşadığımız bir vaxtda, Heydər müəllim həm bütün Pirşağı camaatını, həm də xalqımızı bu qələbə münasibətilə ürəkdən təbrik edir. O, inanır ki, xalqımızın birliyi, dövlətimizin gücü və millətimizin iradəsi sayəsində Azərbaycan daha böyük uğurlara imza atacaq.
Sonda o, öz səmimi təbrik sözlərini belə ifadə edir: “Bu böyük Zəfər günündə – 8 Noyabr münasibətilə xalqımızı, qəhrəman ordumuzu və bütün şəhid ailələrini ürəkdən təbrik edirəm.
Müzəffər Ali Baş Komandan, cənab İlham Əliyev və onun yaxın silahdaşı, xalqımızın sevimlisi, Birinci vitse-prezident Mehriban xanım Əliyeva xalqımıza bu fəxarəti yaşatdıqları üçün hər birimizin minnətdarlığını qazanıblar.
Qoy Uca Tanrı onları daim qorusun, dövlətimizin və xalqımızın birlik və qüdrəti əbədi olsun!
Zəfər bayramımız mübarək olsun!
Qarabağ Azərbaycandır!”