Azərbaycanda Gender bərabərliyi üzrə 2025-2027-ci illər üçün Milli Fəaliyyət Planı layihəsi qəbul ediləcək.

Bununla bağlı Ailə, Qadın və Uşaq Problemləri üzrə Dövlət Komitəsinin 2024-cü il üzrə məlumatında qeyd edilib.

Sənəd Milli Məclisin Ailə, qadın və uşaq məsələləri komitəsinin bugünkü iclasında müzakirəyə çıxarılıb.

İllik məlumatda bildirilib ki, Dövlət Komitəsi həmçinin "Gender (kişi və qadınların) bərabərliyinin təminatları haqqında" qanunun icra mexanizmlərinin təkmilləşdirilməsini də tövsiyə edir.

Ailə, Qadın və Uşaq Problemləri üzrə Dövlət Komitəsinin tövsiyələri sırasında genderəsaslı büdcə siyasəti və praktikasının formalaşdırılması, siyasi partiyalarda gender bərabərliyinin qorunması, idarəetmə, qərar qəbuletmədə bərabər təmsilçilik, iştirakçılıq imkanlarının genişləndirilməsi, qanunvericiliyin təkmilləşdirilməsi də yer alıb.