Ötən 20 il ərzində Cənab İlham Əliyev siyasi, sosial-iqtisadi sahələrdə böyük uğurlara imza atmaqla Ulu Öndərin siyasi varisi onun güclü dövlətçilik, Azərbaycançılıq ideologiyasının layiqli daşıyıcısı olduğunu təsdiqlədi. Prezident İlham Əliyev Azərbaycan xalqının dahi oğlu Heydər Əliyevin demokratik, hüquqi və dünyəvi dövlət quruculuğu siyasətini uğurla davam etdirir. Prezident İlham Əliyev ölkədə İnsan haqları və azadlıqlarının daha dolğun təmin olunmasını daim diqqət mərkəzində saxlayır. O, ümummilli lider Heydər Əliyevin Azərbaycan xalqının milli-mənəvi dəyərlərinin qorunub saxlanılması və daha da inkişaf etdirilməsi kursunu uğurla həyata keçirir.O, sürətlə dəyişən çağdaş dünyada, qloballaşma və inteqrasiya proseslərində, bütün beynəlxalq görüşlərdə və apardığı yüksək səviyyəli danışıqlarda Azərbaycanın mənafelərini bütün sahələrdə uğurla müdafiə edir. İlham Əliyevin uğurlu xarici siyasəti sayəsində Azərbaycanın beynəlxalq və regional problemlərin həllində də rolu və nüfuzu
getdikcə artır. Bu 20 ildə Prezident İlham Əliyev qüdrətli Azərbaycan yaratdı. Belə də olmalı idi, çünki hörmətli Prezidentimiz Heydər Əliyev kursunun davamçısıdır. 2003-cü ildə xalqın dəstəyi ilə Prezident seçiləndə Konstitusiyamıza və “Qurani-Kərim”ə and içərək dövlət müstəqilliyini və ərazi bütövlüyünü qoruyacağına söz verən Prezidentimiz İlham Əliyev, Qarabağ fatehi bizlərə “Zəfər” sevinci yaşadaraq dünya Azərbaycanlılarının və Türk dünyasının ürəyində özünə əbədi yer tutdu. 44 günlük müharibədən sonra Müzəffər Ordusu ilə keçirdiyi antiterror əməliyyatı zamanı xalqımızın fədakarlıına, gücünə inanmayan ermənilərə 23 saat 43 dəqiqəyə həyatı başa saldığı üçün tarix yaradan, tarix yazan lider oldu. Ulu öndər Heydər Əliyevin layiqli varisi cənab İlham Əliyev 30 il erməni işğalı altında saxlanılan torpaqlarımızı işğaldan azad etməklə Azərbaycanın yeni tarixini yazdı. Cəmi 44 gün ərzində 27 sentyabr-10 noyabr Azərbaycan tarixinin ən şanlı səhifəsini yazdı. Xalq Prezidenti tarix yazan Sərkərdə adlandırdı. 44 gün ərzində Ali Baş komandanın qətiyyətli iradəsi, düşünülmüş əmrləri ilə uğurlu hərbi əməliyyatlar aparıldı, onun rəhbərliyi ilə Xalq-Dövlət - Ordu birliyi tarixi qələbə qazandı. Bu qələbəni biz şəhidlərimizin, qazilərimizin qanı, canı bahasına qazandıq. Azərbaycanın qızıl hərflərlə yazılan yeni tarixinin memarı, sərkərdəsi cənab İlham Əliyev oldu. 44 günlük Vətən müharibəsində Azərbaycan həm döyüş meydanında, həm də xalqın Prezidentin ətrafında sıx birləşərək onun siyasətini dəstəkləməsi sayəsində möhtəşəm qələbə qazandı. Bu qələbənin həlledici amili Azərbaycanın yeni tarixinin müəllifi məhz cənab İlham Əliyev oldu. Azərbaycanın yeni tarixi eyni zamanda güclü Ordumuzun və əskərlərimizin igidliyi ilə əldə edildi. Azərbaycan bu zəfəri xalqla dövlətin sarsılmaz birliyi, “Dəmir yumruq” tək birləşməsi sayəsində qazandı. Artıq 20 ildir xalqımız Ulu Öndər Heydər Əliyevin özü qədər inandığı İlham Əliyevə inanaraq onun ətrafında sıx birləşmişdir. Bu gün Azərbaycana Heydər Əliyev yolunun layiqli davamçısı İlham Əliyev başçılıq edir. Heydər Əliyev siyasəti Azərbaycanda yaşayır və qalib gəlir. Azərbaycan xalqının iradəsini ifadə edən İlham Əliyev müstəqil Azərbaycanın prezidenti, həm də dünya azərbaycanlılarının lideridir. Prezident İlham Əliyevin qətiyyətli və məqsədyönlü fəaliyyəti nəticəsində Azərbaycanın Müzəffər Ordusu 30 illik işğala son qoydu. Düşmənin illərlə yaratdığı “məğlubedilməz ordu” mifi 44 gün ərzində bütün dünyanın gözü qarşısında fiaskoya uğradı, Ermənistan ordusu darmadağın edildi və “Dəmir yumruq” əməliyyatı Azərbaycanın Şanlı Qələbəsi ilə başa çatdı.
Geniş dünyagörüşünə, dərin və hərtərəfli biliyə, yüksək mədəniyyətə malik olan Ali Baş Komandan İlham Əliyev müharibə dövründə onlarla müsahibələr vermiş, bəzi ermənipərəst jurnalistlərin təxribat dolu suallarını tarixi faktlar və dəlillərlə cavablandırmışdır. Ulu öndər Heydər Əliyevin siyasi varisi, Ali Baş Komandan İlham Əliyev Azərbaycan tarixinin ən parlaq səhifələrindən birinə imza atdı. Mümkünsüz olanı mümkün etdi. Azərbaycanın ən böyük probleminə son qoydu. Ən böyük milli məsələsini həll etdi. Yaratdığı qüdrətli Azərbaycan ordusu onun rəhbərliyi altında təqribən 30 illik əsarətdən sonra torpaqlarımızı erməni işğalından azad etdi. Nəyi nə zaman edəcəyini yaxşı bilən Ali Baş Komandan bu misilsiz qələbə ilə nəinki torpaqlarımızı nankor düşməndən geri aldı, həmçinin xalqımızın milli qürurunu özünə qaytardı.
Ali Baş Komandanımız Cənab Prezident İlham Əliyev Ulu Tanrının Azərbaycan xalqına olan ən qiymətli hədiyyəsidir. Məhz cnsb prezident tərəfindən aparılan məqsədyönlü siyasət nəticəsində Azərbaycan dünya miqyasında hər sahədə qüdrətli dövlətə çevrilmişdir. Bu cür şanlı tarixin yazıldığı dövrdə çalışmaq, hər hansı sahədə öz vəzifələrini yerinə yetirmək əlbəttə ki, hər bir vətəndaşın xoşbəxtliyidir.
Dekabrın 24-də Azərbaycan tarixini qızıl hərflərlə yazan Sərkərdə, Cənab Ali Baş Komandan, İlham Əliyevin 61 yaşı tamam olur. 24 dekabr tarixi Azərbaycanda qurtuluş günü tarixi kimi qeyd edilməlidir. Çünki 24 dekabrda Azərbaycan torpaqlarını işğaldan azad edən, Azərbaycan xalqınn qürurunu onlara geri qaytaran, qətiyyəti, səbri, uzaqgörənliyi və iradəsi ilə bütün dünyaya Azərbaycan mərdliyini sözün əsil mənasında nümayiş etdirməyə müvəffəq olan bir liderin doğum günüdür.
Cənab Prezident hər bir müsahibəsində təmkinli, diplomatik və tutarlı cavabları ilə bütün dünya ictimaiyyətinin Azərbaycan və Azərbaycanlılar haqqında olan fikirlərini dəyişməyə müvəffəq olan bir şəxsiyyətdir. 44 gündə Cənab Prezidentin özünün də iştirakı ilə Azərbaycanın bütün sahələrində düşmənə qarşı qurulmuş cəbhədən layiqli cavablar verildi. Bu 44 günlük müharibə ilə İlham Əliyev Azərbaycanı böyük və regionda söz sahibi olan dövlətlər arasında söz haqqı olan, hər kəsin hesablaşmağa mıcbur olduğunu bir dövlət kimi tanıtdı və bunu möhürləməyi bacardı. Bu döyüşdə müzəffər Azərbaycan ordusu şanlı tarix yazdı. Hətta bir çox xarici hərbi ekspert Azərbaycan ordusunun hərbi yeniliklərə imza atmalarını xüsusi vurğulayırlar. Azərbaycan ordusu müasir dövrdə müasir silahlardan istifadə edərkən zəfər çalan bəlkə də ilk ordudur. Bu şanlı tarixin yazılmasının əsas memarı- Ali Baş Komandan, qalib sərkərdə İlham Əliyevdir. Qəhrəman, xilaskar sərkərdəmiz İlham Əliyevlə fəxr edir, qürur hissi keçiririk. O, şəhidlərimizin qanının yerdə qalmaması üçün, tarixi dədə-baba torpaqlarımızın işğaldan azad olunaraq, müstəqil Azərbaycan Respublikasının 3 rəngli, ay-ulduzlu bayrağının o müqəddəs Vətən torpaqlarında yenidən dalğalandırılması üçün bütün var-qüvvəsini əsirgəmədi. Bu gün biz qürurla, başı dik, alnı-açıq, üzü-ağ gəzə bilirik. Bu xoşbəxtliyi isə bizə cənab Prezident- Ali Baş Komandan İlham Əliyev bəxş edib. Onun müdrikliyi, uzaq görənliyi, qətiyyəti sayəsində Azərbaycan xalqı qalib xalq kimi dünya birliyində Günəş kimi doğdu. Cənab Prezident, Ali Baş Komandan, Xilaskar və Sərkərdə. Çox yaşa Cənab Prezident! “Biz fəxr edirik ki, Azərbaycanlıyıq” – bu gün həqiqətən bu ifadəni başımız dik səsləndirə bilirik. Bunlar sizin sayənizdədir. Xislətində kişilik, mərdlik, cəsurluq, hünər, ədalət səmimiyyət, qətiyyət, idarəçilik, rəhbərlik, siyasətçilik, diplomatiya, inovasiya, dilçilik, yüksək beynəlxalq intellektual səviyyə - vətənimizi – vətəndaşımızı, dövlətimizi Azərbaycanın bütövlüyünü sevən və bərpa edən 1 şəxsiyyətdir – İlham Əliyev! Onun Günəş kimi parlayan çöhrəsi, görkəmi – qoy xalqımıza işıq, ruzi-bərəkət, sülh və əmin-amanlıq rahat və firavan həyat bəxş etsin! Azərbaycanın qurtuluş tarixini yazan Sərkərdəmizə eşq olsun!

Şöhrəddin Verdiyev
“Gəncə Sukanal” TSC-nin rəisi