"Ermənilərin Qarabağı tərk etməsindən sonra Rusiya sülhməramlılarının həmin bölgədə olması üçün daha az səbəb var".

Bunu “Qazeta.ru”ya müsahibəsində Rusiya Dövlət Dumasında MDB işləri üzrə komitə sədrinin birinci müavini Konstantin Zatulin deyib.

Onun sözlərinə görə, Azərbaycan sülhməramlıların çıxarılması məsələsini ona görə qaldırmayıb ki, Rusiya bunu məğlubiyyət və ya güzəşt kimi qəbul etməsin.

“Bu gün Qarabağda sülhməramlıların olması Rusiya ilə Azərbaycan arasındakı münasibətlərə bağlıdır. Qarabağda erməni əhalisi olmadığından sual yaranır: bizim sülhməramlılarımızın orada nə işi var?”.

Zatulinin fikrincə, sülhməramlılarımızın Qarabağda olmasının səbəbləri azdır.

Qeyd edək ki, Konstantin Zatulin Rusiya Dövlət Dumasının ermənipərəst deputatı kimi tanınır.